სკოლას ჰყავს ფსიქოლოგები, რომლებიც ზრუნავენ ჯანსაღი  ფსიქოლოგიური გარემოს შექმნაზე და  მოსწავლეთა სასწავლო–აკადემუიური, სასიცოცხლო უნარ–ჩვევების ჩამოყალიბებაზე. ისინი აქტიურად თანამშრომლობენ პედაგოგებთან, მშობლებთან და მოსწავლეებთან კონფლიქტური სიტუაციების თავიდან აცილების მიზნით, მოსწავლეების საჭიროებიდან გამომდინარე იძლევიან რეკომენდაციებს ქცევის თავისებურებების მართვასთან  დაკავშირებით. მონაწილეობენ სასკოლო გამოკითხვების შემუშავებასა და ანალიზში.

  სკოლის ფსიქოლოგები მუშაობენ ყველა საფეხურის მოსწავლესთან/მასწავლებელთან/მშობელთან როგორც ინდივიდუალურად, ისე მიზნობრივ ჯგუფთან საჭიროებებიდან გამომდინარე.

  ფსიქოლოგების მუშაობის ფორმებია:

ტესტირებები

• სასკოლო მზაობის ტესტი - სწავლისთვის საჭირო უნარ-ჩვევების დიაგნოსტირება პირველ კლასში შემომსვლელთათვის;
• პირველადი ინტელექტის კვლევა პირველი კლასის პირველ სემესტრში;
• კოგნიტური უნარების განვითარების დონის კვლევა;
• სხვადასხვა ასაკობრივი ჯგუფის თავისებურებათა კვლევა;
• პროფსაორიენტაციო ტესტირება საშუალო საფეხურის მოსწავლეთათვის და სხვ.

ინდივიდუალური მუშაობა

•   მოსწავლეთა ინდივიდუალური თავისებურებების გათვალისწინებითსწავლებასთან დაკავშირებული პრობლემების აღმოფხვრაზე   ზრუნვა;
•   ემოციური და ქცევითი დარღვევების მქონე მოსწავლეებთან  მუშაობა;
•   მოსწავლეებში თვითშეფასების ამაღლებაზე, სწავლისადმი მოტივირების გაზრდასა და სოციალიზაციის ხელშეწყობაზე ზრუნვა;
• ჩართულია სკოლის საბანაკო ცხოვრებაში https://www.facebook.com/Pirvelamde/videos/2249879022033663

 

სსსმ მოსწავლის არსებობის შემთხვევაში ფსიქოლოგები აფასებენ მოსწავლეს, განსაზღვრავენ მის ძლიერ და სუსტ მხარეებს, კოორდინირებასა და მონიტორინგს უწევენ ისგ ჯგუფის მუშაობას.