სიახლეები

          • როგორ გამოვიყენოთ ზაფხულის არდადეგები ბავშვის განვითარებისა და შემეცნებისთვის?

          • ზაფხულის არდადეგები ბავშვისთვის მხოლოდ დასვენების პერიოდი არ არის. ეს არის ფსიქოლოგიური განტვირთვის, ემოციური აღდგენისა და პიროვნული განვითარების მნიშვნელოვანი ეტაპი. სწორედ ამ დროს ეძლევა ბავშვს შესაძლებლობა, სასწავლო წლის დატვირთვის შემდეგ ძალები აღიდგინოს, ახალი გამოცდილება მიიღოს და ინტერესების შესაბამისად განვითარდეს.

            ფსიქოლოგები გვირჩევენ, ზაფხულის პერიოდში ბავშვი მკაცრი აკადემიური რეჟიმით არ გადავტვირთოთ. სასკოლო დღის წესრიგის უცვლელად შენარჩუნება საჭირო არ არის, თუმცა მნიშვნელოვანია ყოველდღიურ ცხოვრებაში გარკვეული რუტინისა და წესების არსებობა, რაც ბავშვს სტაბილურობის განცდას უქმნის.

            I ფაზა — განტვირთვის პერიოდი

            სასწავლო წლის დასრულების შემდეგ პირველი 2–3 კვირა ბავშვისთვის ადაპტაციის პერიოდია. ეს დრო სასკოლო დაღლილობისა და სტრესის მოხსნას უნდა დაეთმოს.

            ამ პერიოდში მნიშვნელოვანია:

            • ბავშვს მივცეთ დასვენების უფლება;
            • ვაცადოთ აკეთოს მხოლოდ ის, რაც მის ინტერესებსა და სურვილებს შეესაბამება;
            • არ ვიჩქაროთ სასწავლო რეჟიმში დაბრუნება.

            II ფაზა — აქტიური დასვენებისა და შემეცნების პერიოდი

            განტვირთვის შემდეგ იწყება ახალი შთაბეჭდილებების, აღმოჩენების, შემეცნებითი განვითარებისა და თავგადასავლების ეტაპი.

            ამ პერიოდში სასარგებლოა:

            • მოგზაურობა;
            • საზაფხულო ბანაკებში მონაწილეობა;
            • ღირსშესანიშნაობების მონახულება.

            შემეცნებითი განვითარება შესაძლებელია როგორც ფორმალური, ისე არაფორმალური აქტივობებით, მაგალითად:

            • წიგნების კითხვა;
            • კომიქსების შექმნა;
            • ჩანაწერების წარმოება დღიურის სახით;
            • ახალი ენის ან უნარის დაუფლება;
            • სამაგიდო და როლური თამაშები;
            • სპორტული აქტივობები;
            • ბუნებაში პიკნიკი;
            • "გაჯეტების" მიზნობრივად გამოყენება ინფორმაციის მოძიებისთვის, შემეცნებითი ფილმებისა და საგანმანათლებლო აპლიკაციების გამოყენებისთვის.

            III ფაზა — სკოლისთვის ეტაპობრივი მომზადება

            სასწავლო წლის დაწყებამდე მნიშვნელოვანია ბავშვი ეტაპობრივად დაუბრუნდეს სასკოლო რეჟიმსა და ყოველდღიურ რუტინას.

            ამ პროცესში ყურადღება მიაქციეთ:

            • ძილის ჰიგიენის მოწესრიგებას;
            • "გაჯეტებთან" გატარებული დროის შემცირებას;
            • ყოველდღიურად 20–30-წუთიანი რუტინული ან შემეცნებითი აქტივობის შესრულებას.

            რეკომენდაციები მომზადებულია წმ. გიორგის სახელობის საერთაშორისო სკოლის ფსიქოლოგების მიერ.

          • ბოლო ზარი 2026

          • 1

            2026 წლის 20 მაისს ჩვენს სკოლაში გაიმართა მე-19 გამოშვების მოსწავლეთა ბოლო ზარის საზეიმო ღონისძიება. ეს დღე მოსწავლეთა სასკოლო ცხოვრების მნიშვნელოვანი ეტაპის დასასრულს და ახალი შესაძლებლობებით სავსე გზის დასაწყისს აღნიშნავს.

            ღონისძიების ფარგლებში დამამთავრებელმა კლასის მოსწავლეებმა, მასწავლებლებმა და მშობლებმა ერთად გაიხსენეს სკოლის წლები, მნიშვნელოვანი მიღწევები და ის გამოცდილება, რომელმაც თითოეული მათგანის პიროვნულ და აკადემიურ განვითარებაში მნიშვნელოვანი როლი შეასრულა.

            სკოლის ადმინისტრაცია ულოცავს კურსდამთავრებულებს ამ მნიშვნელოვან ეტაპს და უსურვებს მათ წარმატებას შემდგომ საგანმანათლებლო და პროფესიულ საქმიანობაში. 

          • ალუმნი-გზა სკოლიდან პროფესიულ კარიერამდე

          • 3

            პროფესიული ორიენტაციისა და კარიერის დაგეგმვის პროექტის ფარგლებში, 1 აპრილს, სკოლაში გაიმართა შეხვედრა სკოლის ალუმნებთან, რომელსაც X, XI და XII კლასის მოსწავლეები დაესწრნენ.

            შეხვედრაში მონაწილეობდნენ სკოლის კურსდამთავრებულები: ელენე ალადაშვილი, ნინი კოპალეიშვილი, მარიამ თოფურიძე, თეგა ხელაშვილი და გიორგი გაფრინდაშვილი, რომლებიც სხვადასხვა სფეროში აგრძელებენ სწავლასა და პროფესიულ საქმიანობას როგორც საქართველოში, ისე მის ფარგლებს გარეთ.

            ღონისძიება პანელური დისკუსიის ფორმატში გაიმართა. სპიკერებმა მოსწავლეებს გაუზიარეს საკუთარი გამოცდილება პროფესიის არჩევის პროცესში, უნივერსიტეტში სწავლის თავისებურებებსა და კარიერული განვითარების გზაზე არსებულ გამოწვევებზე. განსაკუთრებული ყურადღება დაეთმო განათლების მიღების შესაძლებლობებს საქართველოში და ევროპაში, ასევე იმ ფაქტორებს, რომლებიც მნიშვნელოვანია სწორი პროფესიული არჩევანის გაკეთებისას.

            დისკუსიის ფარგლებში სპიკერებმა ისაუბრეს სკოლის როლზე მათ პროფესიულ განვითარებაში და იმ ცოდნასა და უნარებზე, რომლებიც მოსწავლეებმა უნდა გამოიყენონ მაქსიმალურად სკოლის პერიოდში.

            შეხვედრა ინტერაქციულ ფორმატში ჩატარდა, მოსწავლეებს საშუალება ჰქონდათ დაესვათ მათთვის საინტერესო კითხვები და მიეღოთ პრაქტიკული რჩევები საკუთარი მომავლის დაგეგმვისთვის.

             

          • საერთაშორისო საზაფხულო ბანაკები 2026

          • საერთაშორისო საზაფხულო ბანაკები

            წმიდა გიორგის სახელობის საერთაშორისო სკოლა მოსწავლეებს სთავაზობს საერთაშორისო საზაფხულო ბანაკების მრავალფეროვან არჩევანს, რომელიც აერთიანებს საგანმანათლებლო პროგრამებს, კულტურულ აქტივობებსა და საერთაშორისო გამოცდილებას.

            პროგრამები განკუთვნილია სხვადასხვა ასაკის მოსწავლეებისთვის და საშუალებას აძლევს მათ:

            • გაიუმჯობესონ ინგლისური ენის ცოდნა
            • მიიღონ საერთაშორისო გამოცდილება
            • გაეცნონ სხვადასხვა კულტურას
            • განივითარონ კომუნიკაციისა და დამოუკიდებლად მუშაობის უნარები

            აშშ — ნიუ-იორკი / ვაშინგტონი

            ასაკი: 13–18 წელი (VII–XII კლასები)ხანგრძლივობა: 2 კვირაფასი: $4,900

            ფასში შედის:

            • საცხოვრებელი – Ramapo College of New Jersey
            • სამჯერადი კვება
            • ექსკურსიებზე prepaid meal card
            • Broadway Musical-ის ბილეთი
            • Manhattan-ის ტური და მთავარი ღირსშესანიშნაობები
            • Statue of Liberty და Ellis Island
            • Washington D.C. Mini Break (2 დღე / 1 ღამე)

            ფასში არ შედის:ავიაბილეთი • ვიზა • სამოგზაურო დაზღვევა

            ესპანეთი — ბარსელონა

            ასაკი: 12–18 წელი (VI–XII კლასები)ხანგრძლივობა: 1 კვირაფასი: 1,930 EUR

            ფასში შედის:

            • საცხოვრებელი
            • სამჯერადი კვება
            • ინგლისური ენის კურსი
            • დონის განმსაზღვრელი ტესტი
            • კურსის სერტიფიკატი
            • სპორტული და გასართობი აქტივობები
            • ექსკურსიები
            • აეროპორტის ტრანსფერი

            ფასში არ შედის:ავიაბილეთი • სამოგზაურო დაზღვევა

            ჩეხეთი — პრაღა

            ასაკი: 13–18 წელი (VII–XII კლასები)ხანგრძლივობა: 2 კვირაფასი: 1,720 EUR

            პროგრამა მოიცავს:

            • 40 საათიან სასწავლო პროგრამას
            • საცხოვრებელს (twin bedrooms)
            • ორჯერად კვებას
            • საზოგადოებრივი ტრანსპორტის ბარათს და SIM ბარათს
            • ექსკურსიებს პრაღაში
            • ვიზიტს უნივერსიტეტში
            • ვიზიტს აკვაპარკსა და ზოოპარკში
            • ერთდღიან ექსკურსიას დრესდენში

            ფასში არ შედის:ავიაბილეთი • სამოგზაურო დაზღვევა

            იტალია — მილანი

            AC Milan საფეხბურთო ბანაკი

            ასაკი: 10–16 წელი (IV–X კლასები)ხანგრძლივობა: 1 კვირაფასი: 3,125 EUR

            პროგრამა მოიცავს:

            • ვარჯიშებს AC Milan Academy-ის ოფიციალურ მწვრთნელებთან
            • ტურნირებს და ამხანაგურ თამაშებს
            • ინდივიდუალურ ფეხბურთის ქოუჩინგს
            • სპეციალურ ვარჯიშებს მეკარეებისთვის
            • AC Milan-ის ოფიციალურ ეკიპირებას
            • Casa Milan Museum-ის ვიზიტს
            • მილანის city tour-ს

            საცხოვრებელი:Quark Hotel Milano – ორადგილიანი ოთახები ინდივიდუალური სველი წერტილით.

            ფასში არ შედის:ავიაბილეთი • ტრანსფერი • სამოგზაურო დაზღვევა

            იტალია — მილანი

            პროფესიული საზაფხულო პროგრამები

            მიმართულებები:მოდა • დიზაინი • კულინარია • მედიცინა

            ასაკი: 16–18 წელი (X–XII კლასები)

            ფასი:1 კვირა — 2650 €2 კვირა — 4950 €

            პროგრამა მოიცავს:

            • 40 საათიან ინტენსიურ პროგრამას
            • პრაქტიკულ და თეორიულ გაკვეთილებს პროფესიული მიმართულებით
            • ექსკურსიებს და აქტივობებს
            • საცხოვრებელს და კვებას

            ფასში არ შედის:ავიაბილეთი • ტრანსფერი • სამოგზაურო დაზღვევა

            რეგისტრაცია:

            ადგილების რაოდენობა შეზღუდულია.

            დამატებითი ინფორმაციისთვის და რეგისტრაციისთვის გთხოვთ დაუკავშირდეთ სკოლას.

          • პირველკლასელთა რეგისტრაცია 2026-27 სასწავლო წლისთვის

          • წმიდა გიორგის სახელობის საერთაშორისო სკოლა აცხადებს პირველკლასელთა მიღებას 2026–2027 სასწავლო წლისთვის.

            სკოლა უკვე 30 წელია წარმატებით ემსახურება განათლებას. მრავალწლიანი პრაქტიკა, თანამედროვე სტანდარტები და პროფესიონალი გუნდი ქმნის უსაფრთხო, მეგობრულ და განვითარებაზე ორიენტირებულ გარემოს, სადაც მოსწავლეები ბუნებრივად და სტაბილურად იზრდებიან.

            სწავლება ეფუძნება ეროვნულ სასწავლო გეგმას, რომელიც ინტეგრირებულია თანამედროვე პედაგოგიურ და მოსწავლეზე დაფუძნებულ მიდგომებთან. სასწავლო პროცესი აერთიანებს მრავალფეროვან ფორმალურ და არაფორმალურ აქტივობებს, რომლებიც მოზარდებს შესაძლებლობას აძლევს მიიღონ ცოდნა, განივითარონ უნარები და რაც მთავარია, მიღებული ცოდნა ცხოვრებისეულ გამოცდილებად აქციონ.

            საბაზო საფეხურიდან მოსწავლეებს ეძლევათ შესაძლებლობა გააგრძელონ სწავლა ამერიკულ სადიპლომო პროგრამაზე. პროგრამა ეყრდნობა Common Core-ისა და Next Generation სტანდარტებს.მოსწავლეებს შეუძლიათ:

            • გაიარონ AP (Advanced Placement) საუნივერსიტეტო კურსები

            • მიიღო ამერიკული დიპლომი,რომელიც თანაბრად აღიარებულია როგორც საქართველოში, ასევე მსოფლიოს მასშტაბით.

            პირველ კლასებში ადგილები შეზღუდულია, ამიტომ აუცილებელია წინასწარი რეგისტრაცია.

            თუ გსურთ მეტი გაიგოთ სკოლის ყოველდღიურობაზე, ფასეულობებზე და გარემოზე, ჩვენ გთავაზობთ ინდივიდუალურ ტურს.

            დამატებითი ინფორმაციისთვის დაგვიკავშირდით ნომერზე: 032 256 05 04.

            გთხოვთ, შეავსოთ განაცხადი ბმულზე.

            დარეგისტრირდი

          • ქართულ-ამერიკული საერთაშორისო სატელევიზიო პროექტი-Ocean Apart, World Together 

          • 4

            წმ. გიორგის სახელობის საერთაშორისო სკოლამ მიმდინარე წელს მნიშვნელოვანი საერთაშორისო პროექტი განახორციელა — Ocean Apart, World Together თსუ მედიისა და ტელეხელოვნების კოლეჯთან და ამერიკის ჯერმანთაუნის სატელევიზიო სკოლასთან პარტნიორობით. პროექტი მიზნად ისახავდა საგანმანათლებლო თანამშრომლობის გაღრმავებას, მედია-განათლების განვითარებას და მოსწავლეთა აქტიურ ჩართულობას საერთაშორისო საკომუნიკაციო სივრცეში.

            პროექტის ფარგლებში ჩვენი სკოლის მოსწავლეები ჩაერთნენ როგორც რეპორტიორები და ფოტოგრაფები. პირველ ეტაპზე მათ მენტორების ხელმძღვანელობით გაიარეს ტრენინგები ვიზუალური თხრობის, ფოტოგადაღებისა და რეპორტაჟის მიმართულებით. შემდგომ ეტაპზე მოსწავლეებმა გადაიღეს ხუთი ვიდეო სკოლის ყოველდღიური ცხოვრების შესახებ.

            პროექტის დასკვნით ეტაპზე განხორციელდა ტელეხიდი, პანელურ დისკუსიაში ჩვენმა მოსწავლეებმა ამერიკელ თანატოლებთან ერთად განიხილეს ქართული და ამერიკული განათლების სტანდარტები.

          • ზამთრის ბანაკი 2026

          • 3

            2026 წლის ზამთრის საბანაკო შეხვედრა ჩვენი სკოლის მოსწავლეებისთვის კიდევ ერთი დაუვიწყარი გამოცდილებით დასრულდა. წელს მოსწავლეები ბაკურიანში ორ ნაკადად გაემგზავრნენ, სადაც მეგობრულ, უსაფრთხო და ჯანსაღ გარემოში დაუვიწყარი 8 დღე გაატარეს. საბანაკო პროგრამა მოიცავდა თხილამურებით სრიალს პროფესიონალი ინსტრუქტორების ხელმძღვანელობით, ასევე მრავალფეროვან შემეცნებით და შემოქმედებით აქტივობებს, რომლებიც მოსწავლეთა ინტერესებზე იყო მორგებული.

          • ამერიკული სადიპლომო პროგრამა – ახალი სასწავლო წლის წარმატებული დასაწყისი

          • 16

            ამერიკული სადიპლომო პროგრამის მოსწავლეებმა ახალი სასწავლო წელი უკვე დაიწყეს. სწავლა მიმდინარეობს განახლებულ, თანამედროვე ინფრასტრუქტურით აღჭურვილ საკლასო ოთახებში, რაც ქმნის საუკეთესო გარემოს აკადემიური განვითარებისთვის.

            ამერიკული სადიპლომო პროგრამა აღიარებულია როგორც საქართველოს განათლების, მეცნიერებისა და ახალგაზრდობის სამინისტროს მიერ, ისე საერთაშორისო აკრედიტაციის მქონე საგანმანათლებლო სტანდარტებით. პროგრამის წარმატებით დასრულების შემდეგ მოსწავლეებს ენიჭებათ დიპლომი, რომელიც აღიარებულია როგორც საქართველოს, ისე მსოფლიოს მრავალ ქვეყანაში, რაც მათ საშუალებას აძლევს განაგრძონ განათლება როგორც ადგილობრივ, ისე წამყვან საერთაშორისო უნივერსიტეტებში.

            ამჟამად მიმდინარეობს ახალი მოსწავლეების რეგისტრაცია. დაინტერესებულ პირებს შესაძლებლობა აქვთ, შეავსონ განაცხადი ბმულზე: 

            https://forms.gle/k4SiXHzjCjJGiTxdA

          • პირველი დღე სკოლაში

          • 26

            2025 წლის 15 სექტემბერს წმიდა გიორგის სახელობის საერთაშორისო სკოლაში ოფიციალურად დაიწყო 2025–2026 სასწავლო წელი. ზაფხულის არდადეგების შემდეგ მოსწავლეები განახლებული ენერგიით დაუბრუნდნენ სასკოლო გარემოს.

            პირველი დღე განსაკუთრებით მნიშვნელოვანი იყო პირველკლასელებისთვის: ისინი მშობლებთან ერთად ეწვივნენ სკოლას, გაიცნეს დამრიგებლები და დაათვალიერეს საკლასო ოთახები. მოსწავლეთა ადაპტაციის გასამარტივებლად სკოლამ სპეციალური გასართობი პროგრამა მოაწყო, რამაც დღე კიდევ უფრო სახალისო და დასამახსოვრებელი გახადა.

            წმ. გიორგის სახელობის საერთაშორისო სკოლა ყველა მოსწავლეს, მშობელსა და პედაგოგს წარმატებულ სასწავლო წელს უსურვებს!

          • საზაფხულო ბანაკი ახალდაბაში

          • 15

            წმიდა გიორგის სახელობის საერთაშორისო სკოლა ყოველწლიურად აძლევს მოსწავლეებს შესაძლებლობას, დაუვიწყარი 10 დღე გაატარონ ახალდაბის საზაფხულო ბანაკში — ეკოლოგიურად სუფთა, უსაფრთხო და ბუნებრივ გარემოში.

            ბანაკი განკუთვნილია III-X კლასის მოსწავლეებისთვის და მიზნად ისახავს ბავშვების ზოგად განვითარებას სასკოლო სივრცის ფარგლებს გარეთ.

            ბანაკში გატარებული დღეები არა მხოლოდ სასიამოვნო მოგონებებს ტოვებს მოსწავლეებში, არამედ მნიშვნელოვანი წვლილი შეაქვს მათ პიროვნულ ზრდაში. მოსწავლეები ბანაკიდან ბრუნდებიან უფრო დამოუკიდებლები, მოტივირებულები და სოციალურად აქტიურები.

          • "ბავშვები ბავშვებისთვის"-26 მაისის საქველმოქმედო გამოფენა-გაყიდვა

          • 20

            2025 წლის 26 მაისს წმ. გიორგის სახელობის საერთაშორისო სკოლაში გაიმართა ტრადიციული საქველმოქმედო გამოფენა-გაყიდვა. 

            "ბავშვები ბავშვებისთვის“- ამ სლოგანის ქვეშ გაერთიანდა სასკოლო საზოგადოება 15 წლის რომიკო დგებუაძის დასახმარებლად.

            საქველმოქმედო გამოფენა-გაყიდვაზე წარმოდგენილი იყო მოსწავლეთა მიერ შექმნილი ხელნაკეთი ნივთები, მხატვრული ნამუშევრები, კულინარიული ნაწარმი და სხვა ორიგინალური პროდუქცია, რომელიც დამთვალიერებლებს შესაძლებლობას აძლევდა, შეეძინათ ნივთები და ამ გზით მხარდაჭერა გაეწიათ ბენეფიციარისთვის.

            ღონისძიების ფარგლებში ხელოვნებისა და სპორტის კათედრებმა წარმოადგინეს სასწავლო წლის შემაჯამებელი აქტივობები. გაიმართა წლის ფინალური შეხვედრები ჭადრაკში, რაგბსა და ფეხბურთში. გამარჯვებული გუნდები დაჯილდოვდნენ სამახსოვრო საჩუქრებითა და სერთიფიკატებით.

             

          • ბოლო ზარი 2025

          • 22

            20 მაისს XII კლასის მოსწავლეებმა სკოლის დასრულება საზეიმო ღონისძიებით აღნიშნეს. სკოლამ უკვე მეთვრამეტე თაობა გააცილა ცხოვრების ახალ ეტაპზე.

            მასწავლებლებმა და თანასკოლელებმა თბილი სიტყვებით გააცილეს მეთორმეტეკლასელები. ღონისძიების დროს ნაჩვენები იყო სპეციალურად მომზადებული ვიდეომასალა, რომელიც ასახავდა მოსწავლეთა სკოლის წლებთან დაკავშირებულ მნიშვნელოვან მომენტებს.

            მოგვიანებით, სკოლის ეზოში გაიმართა სამახსოვრო წარწერების ტრადიციული ეტაპი, სადაც მოსწავლეებმა თეთრ პერანგებზე ერთმანეთს სურვილები და სიტყვები დაუტოვეს.

            სკოლა ულოცავს XII კლასის მოსწავლეებს სკოლის წარმატებით დასრულებას და უსურვებს მათ საინტერესო და წარმატებით სავსე მომავალს.

          • ამერიკული სადიპლომო პროგრამის ღია კარის დღე

          • წმ. გიორგის სახელობის საერთაშორისო სკოლამ წარმატებით გაიარა ამერიკული სადიპლომო პროგრამის - COGNIA აკრედიტაცია. COGNIA გახლავთ გლობალური, მააკრედიტებელი ორგანიზაცია, რომელიც დაფუძნდა ამერიკის შეერთებულ შტატებში და აქტიურად მოქმედებს მსოფლიოს 90-მდე ქვეყანაში. დღეისათვის მისი აკრედიტაციითა და სერტიფიცირებით 40 000 საჯარო და კერძო დაწესებულება სარგებლობს, რომელთა რიგებშიც უკვე ჩვენი სკოლაც შედის.

            ამერიკული სადიპლომო პროგრამით დაინტერესებული მშობლებისთვის 22 მარტს, 12 საათზე ჩატარდება ღია კარის დღე, სადაც გაეცნობით ინფორმაციას სწავლების მეთოდოლოგიის და კურიკულუმის, სერტიფიცირებული ამერიკული დიპლომის უპირატესობების, AP საგნების შესახებ დეტალურ ინფორმაციას.

            ღონისძიებაზე დასასწრებად, გთხოვთ, დარეგისტრირდეთ ბმულზე:

            https://forms.gle/7AYk3eRhRAQMETpn6

          • ღია კარის დღე

          • წმ.გიორგის სახელობის საერთაშორისო სკოლაში 23 თებერვალს, 13 საათზე ჩატარდება ღია კარის დღე, სადაც გექნებათ შესაძლებლობა, შეხვდეთ სკოლის ადმინისტრაციას, გაიცნოთ პედაგოგები, დაათვალიეროთ საკლასო ოთახები და სკოლის ინფრასტრუქტურა, გაიგოთ მეტი სასწავლო პროგრამის შესახებ და აღმოაჩინოთ მრავალფეროვანი ექსტრაკურიკულური აქტივობები.

             

          • წმ.გიორგის სახელობის საერთაშორისო სკოლას COGNIA-ს აკრედიტაცია მიენიჭა

          • „წმიდა გიორგის სახელობის საერთაშორისო სკოლამ“ 2024 წლის 18 დეკემბერს საერთაშორისო ორგანიზაცია COGNIA-ს ამერიკული აკრედიტაცია მოიპოვა.

            ეს არის უმნიშვნელოვანესი ნაბიჯი სკოლის განვითარების გზაზე და კიდევ ერთი დადასტურება იმისა, რომ ჩვენი სკოლა უზრუნველყოფს განათლების პროცესის საერთაშორისო სტანდარტებთან შესაბამისობას.

            განსაკუთრებით აღსანიშნავია, რომ განათლების ხარისხის განვითარების ეროვნულ ცენტრსა და ამერიკის შეერთებული შტატების საერთაშორისო ორგანიზაცია COGNIA-ს შორის გაფორმდა ურთიერთთანამშრომლობის ხელშეკრულება, რომელიც ითვალისწინებს საქართველოს ტერიტორიაზე განხორციელებული ზოგადსაგანმანათლებლო პროგრამების American International Accreditation Protocol-ის აღიარებას.

            ეს მიღწევა განსაკუთრებული სტიმულია ჩვენი სკოლის გუნდისთვის, რათა კიდევ უფრო განვვითარდეთ და ჩვენს მოსწავლეებს შევთავაზოთ განათლების უმაღლესი საერთაშორისო სტანდარტი.

            წმიდა გიორგის სახელობის საერთაშორისო სკოლა კვლავ ერთგული რჩება მაღალი ხარისხის განათლების ხელშეწყობის პრინციპების და მადლობას უხდის საზოგადოებას ნდობისთვის!

          • წმ.გიორგის სახელობის საერთაშორისო სკოლა მედიაწიგნიერების ოლიმპიადის გამარჯვებული გახდა

          • 6

            წმ. გიორგის სახელობის საერთაშორისო სკოლამ კომუნიკაციების კომისიის მიერ მასწავლებლებისა და მოსწავლეებისთვის გამართული მედიაწიგნიერების ოლიმპიადის დაწყებითი საფეხურის კატეგორიაში პირველი ადგილი დაიკავა.

            აღსანიშნავია, რომ ოლიმპიადაში საქართველოს მასშტაბით უპრეცედენტოდ ბევრი, 500-ზე მეტი სკოლა მონაწილეობდა.

            ჩვენი სკოლის მეოთხე კლასელების მიერ შექმნილმა სახალისო ვიდეომ, რომელიც კრეატიული და ინოვაციური მიდგომით ასახავს დეზინფორმაციასთან ბრძოლის გზებს, ჟიურის განსაკუთრებული მოწონება დაიმსახურა.

            კომუნიკაციების კომისიამ ჩვენი სკოლა თანამედროვე მედიალაბორატორიისთვის საჭირო ტექნიკით დააჯილდოვა, რაც მოიცავს:

            • ინტერაქციულ დაფას
            • ლეპტოპს
            • მობილურის შტატივს
            • მიკროფონს
            • ლედ განათებას

            ამასთან ერთად, სკოლაში მოეწყო სპეციალური მედიაკუთხე, რომელიც ჩვენი მოსწავლეებისთვის საშუალებას შექმნის, დამოუკიდებლად იმუშაონ მაღალხარისხიანი მედიაპროდუქტების შექმნაზე.

            სკოლამ, თავის მხრივ, გამარჯვებულ მოსწავლეებს საკითხავი კუთხე მოუწყო საკლასო ოთახში და ახლა უფრო კომფორტულ გარემოში გააგრძელებენ კითხვას და სწავლას.

            მადლობას ვუხდით ყველა მოსწავლეს და მასწავლებელს, ვინც ამ წარმატებაში თავისი წვლილი შეიტანა!

          • COGNIA-ს აკრედიტაციის ექსპერტთა ჯგუფის ვიზიტი

          • 3

            ამერიკული პროგრამის აკრედიტაციის მიზნით, წმ.გიორგის სახელობის საერთაშორისო სკოლაში გასულ კვირას სამუშაო ვიზიტით იმყოფებოდა COGNIA-ს აკრედიტაციის ექსპერტთა ჯგუფი.

            ვიზიტის მიზანი იყო ამერიკული სადიპლომო პროგრამის დანერგვის გზაზე სკოლისა და სასწავლო გარემოს შეფასება, საერთაშორისო სტანდარტებთან სასკოლო პრაქტიკის შესაბამისობის ანალიზი.

            COGNIA-ს წარმომადგენელთა სამუშაო შეხვედრები გაიმართა სხვადასხვა სამიზნე ჯგუფთან:სკოლის ადმინისტრაციასთან, პედაგოგებსა და კათედრის ხელმძღვანელებთან, მშობლებსა და მოსწავლეებთან.

            შეხვედრებისას დელეგაცია დეტალურ ინფორმაციას გაეცნო სკოლის ფილოსოფიის, მიზნების, სწავლა-სწავლების საკითხების, მოსწავლეთა და მშობელთა ჩართულობის, პედაგოგთა პროფესიული გამოცდილებისა და მიდგომების შესახებ.

            ვიზიტის დასასრულს,COGNIA-ს წარმომადგენლებმა სკოლის ადმინისტრაციას გააცნეს დასკვნები და რეკომენდაციები. ჩვენდა საამაყოდ შეიძლება ითქვას, რომ ვიზიტმა წარმატებით ჩაიარა.

            მადლობას ვუხდით ჩვენს სასკოლო საზოგადოებას მხარდაჭერისა და ჩართულობისათვის, COGNIA-ს ავტორიზაციის კომისის თითოეულ წევრს კეთილგანწყობილი, ობიექტური დამოკიდებულებისთვის.

            აღნიშნული პროცესი სკოლის ცხოვრებაში მნიშვნელოვანი ისტორიის დასაწყისია.

          • მასწავლებლის კვირეული

          • 15

            27 ოქტომბერს საქართველოში მასწავლებლის ეროვნული დღე აღინიშნება. ამ მნიშვნელოვანი თარიღის აღსანიშნავად, ჩვენს სკოლაში გაიმართა მასწავლებლის კვირეული, რომლის ფარგლებშიც ჩატარდა მრავალი საინტერესო და სახალისო აქტივობა.

            მასწავლებლის კვირეულმა კიდევ ერთხელ გამოკვეთა მასწავლებლების უდიდესი როლი და წვლილი ახალგაზრდების განათლებისა და აღზრდის პროცესში.

            წმ. გიორგის სახელობის საერთაშორისო სკოლა ყველა პედაგოგს ულოცავს პროფესიულ დღეს!

          • პირველი დღე სკოლაში

          • 6

            წმ. გიორგის სახელობის საერთაშორისო სკოლაში პირველმა დღემ განსაკუთრებულად მხიარულად და საზეიმოდ ჩაიარა.

            დავიწყეთ ახალი სასწავლო წელი და ამ დაუვიწყარ თავგადასავალში ჩვენი პირველკლასელებიც შემოგვიერთდნენ.

            ვულოცავთ ჩვენს მოსწავლეებს, მასწავლებლებს და მშობლებს ახალი სასწავლო წლის დაწყებას!


          • Cognia-ამერიკული განათლება

          • 2024 წლის სექტემბრიდან წმ. გიორგის სახელობის საერთაშორისო სკოლა გთავაზობთ ამერიკულ პროგრამას.

            რატომ ამერიკული პროგრამა?

            ამერიკული აკრედიტაცია COGNIA-ს მიერ ემსახურება 40,000 საჯარო და კერძო დაწესებულებას დაწყებითი საფეხურიდან საშუალო სკოლის ჩათვლით ამერიკის შეერთებულ შტატებსა და კიდევ 90 ქვეყანაში.

            American High School Diploma: მიიღებთ საერთაშორისო აღიარების მქონე დიპლომს, რომელიც გაგიხსნით გზას მსოფლიოს წამყვანი და საუკეთესო უნივერსიტეტებისკენ.

            ამერიკული პროგრამა VIII-XIl კლასის ქართველ და უცხოელ მოსწავლეებს სთავაზობს მრავალფეროვან ამერიკულ კურიკულუმს და უზრუნველყოფს მოსწავლეთა ჩართულობას საერთაშორისო საგანმანათლებლო და შემეცნებით ღონისძიებებში.

            AP - საუნივერსიტეტო საგნები: შეთავაზებული Advanced Placement (AP) კურსების მრავალფეროვანი არჩევანი მოსწავლეებს მისცემს საერთაშორისო უნივერსიტეტებში პრიორიტეტული (Early Admission) ჩარიცხვისა და გრანტის მიღების უპირატესობას.

            აშშ-სა და ევროპის წამყვან უნივერსიტეტში ჩარიცხვები: სტენფორდის უნივერსიტეტი, ჰარვარდის უნივერსიტეტი, ჩიკაგოს უნივერსიტეტი, კალიფორნიის ტექნოლოგიების უნივერსიტეტი, მასაჩუსეტსის უნივერსიტეტი (MIT), პრინსტონის უნივერსიტეტი, იელის უნივერსიტეტი, ედინბურგის უნივერსიტეტი და ა.შ.

            ეს არის უნიკალური შანსი უმაღლესი ხარისხის ამერიკული განათლებისა და დიპლომის მისაღებად.

            მოემზადეთ მომავლისთვის დღესვე!