მოზარდის ფსიქო-ემოციური განვითარებისთვის დიდი მნიშვნელობა აქვს მის ირგვლივ არსებულ გარემოს: ადამიანებსაც და ბუნებასაც.

ჩვენი სკოლის მწვანე და მზის სხივებით სავსე ეზოში ერთმანეთისთვის შთაბეჭდილებების გაზიარებამ, ქართულის კლასგარეშე კითხვის გაკვეთილი კიდევ უფრო სასიამოვნო და მრავალფეროვანი გახადა

1 ივნისს ბავშვთა დაცვის დღესთან დაკავშირებით, ჩვენს სკოლაში, გაიმართა ჭადრაკის ჯგუფური ტურნირი "Chess Puzzle", რომელშიც მონაწილეობა IV და V კლასის მოსწავლეებმა მიიღეს.

ტურნირი დაძაბულ გარემოში, დიდი კონკურენციით წარიმართა

ქულათა მაღალი სხვაობით ფინალში ორი კლასი გავიდა, სადაც საბოლოო ამოცანის ამოხსნის შედეგად საპრიზო კატეგორიები ასე გადანაწილდა:

I ადგილი მოიპოვა IVზ კლასმა.

II ადგილი კი IVბ კლასმა.

ვულოცავთ გამარჯვებულებს და თითოეულ მონაწილეს ვუსურვებთ წინსვლას და შემდგომ წარმატებებს.

ღია კარის დღეზე განვლილი პერიოდის მანძილზე დარეგისტრირებულ მოსწავლეთა მშობლებს ვუმასპინძლეთ.

შეხვედრები ორ ეტაპად გაიმართა, სადაც დეტალურად გავაცანით ჩვენი სკოლის სტრუქტურა, სწავლების მეთოდოლოგია და ამომწურავად ვუპასუხეთ ყველა დასმულ შეკითხვას.

რა თქმა უნდა, ყველაფერმა სრული რეგულაციების დაცვით ჩაიარა.

დიდი მადლობა მობრძანებისა და დაინტერესებისთვის!

#ღიაკარისდღე

ჩვენს სკოლაში მე-12 კლასის მოსწავლეებისთვის ბოლო ზარი დაირეკა

ფერადი წარწერებით აჭრელებული თეთრი პერანგები, ბევრი მხიარულება და უამრავი კეთილი სურვილი - ჩვენი საყვარელი კურსდამთავრებულების დამშვიდობების ცერემონია რამდენიმე ეტაპისგან შედგებოდა:

დამრიგებლის, მასწავლებლებისა და სკოლის ადმინისტრაციის წარმომადგენელთა დამშვიდობების შემდეგ სახალისო ნომინაციებში გამარჯვებულები გამოვლინდნენ.

უმცროსკლასელების ჟრიამულისა და ფოიერვერკების ფონზე დაირეკა ბოლო ზარი სკოლის შენობაში.

დღე მაისურებზე სამახსოვრო მინაწერების გაკეთებითა და ტორტის გაჭრით დასრულდა.

ვულოცავთ ჩვენს უსაყვარლეს მოსწავლეებს ცხოვრების ახალი, სრულიად განსხვავებული ეტაპის დაწყებას!

წარმატებებს ვუსურვებთ ცხოვრების გზაზე!

საკალათბურთო კლუბ "აკადემიასთან" თანამშრომლობის შედეგად, ჩვენს სკოლაში კალათბურთის წრე ამოქმედდა

ბავშვებს შესაძლებლობა აქვთ პროფესიონალურ დონეზე დაეუფლონ კალათბურთს, მოხვდნენ საშეჯიბრო გუნდებში, მონაწილეობა მიიღონ საქართველოს ჩემპიონატებში, შეიძინონ ახალი მეგობრები ან უბრალოდ ისიამოვნონ სპორტის ამ სახეობით.

ვარჯიშებს “აკადემიის” პროფესიონალი მწვრთნელები გაუძღვებიან.

საკალათბურთო სკოლაში მიიღებიან I-VIII კლასის მოსწავლეები.

დამატებითი ინფორმაციისთვის დაგვიკავშირდით: 599 96 42 43

ბავშვებმა რომ კითხვა ადრეული ასაკიდან შეიყვარონ, მნიშვნელოვანია უფროსების დამოკიდებულება და ქცევა.

რა უნდა გააკეთოს მშობელმა, რომ პატარებს კითხვის ინტერესი გაუღვივონ?

აჩუქეთ წიგნები - სწორად შერჩეულ წიგნზე უკეთესი საჩუქარი არ არსებობს. მოიძიეთ საუკეთესო საბავშვო წიგნები, ან ისინი, რომლების შესახებაც პოპულარული ფილმებია გადაღებული. გარდა ამისა, შეგიძლიათ წიგნების მაღაზიაშიც ერთად წახვიდეთ და არჩევანის გაკეთების საშუალებაც მისცეთ.

აჩვენეთ, რომ თქვენც გიყვართ კითხვა - ბავშვები ხშირად იმეორებენ უფროსების ქცევებს. საწყის ეტაპზე, თუ იმავე წიგნით დაინტერესდებით, რომელსაც თქვენი შვილი კითხულობს, მას საშუალებას მისცემთ, რომ გაგიზიაროთ თავისი აღფრთოვანება და აზრები სხვადასხვა პერსონაჟის შესახებ.

არ აიძულოთ კითხვა - ვერაფერს შეაყვარებთ ბავშვს იძულებით. შეიძლება ასწავლოთ, მაგრამ ეს მათთვის ვალდებულებასთან და უარყოფით ემოციასთან იქნება დაკავშირებული. შეგიძლიათ წაახალისოთ სხვადასხვა ავთენტური აქტივობებით, რათა ბავშვს კითხვის სურვილი გაუჩნდეს.

თქვენ რა ხერხებს იყენებთ?

წმ. გიორგის საერთაშორისო სკოლაში კომპანია “Future Laboratory” ისთან პარტნიორობის შედეგად, III-VIII კლასებში დაინერგა “მომავლის პროფესიების” სწავლება პროექტზე დაფუძნებული სწავლების (PBL) მეთოდით

მოსწავლეებმა მთელი სემესტრის განმავლობაში იმუშავეს ისეთ პროექტებზე, როგორიცაა: ეკოლოგიური პრობლემების მოგვარება, გადაშენების პირას მყოფი ცხოველების დაცვა, მიტანის სერვისის ავტომატიზირება, ინტერიერისა და ექსტერიერის დიზაინი, ჰიგიენური პროცედურების გამარტივება და დაცვა Covid 19 ის დროს.

სახალისო და საინტერესო გაკვეთილებთან ერთად, ბავშვები გაეცნენ 21-ე საუკუნის ერთ-ერთ ყველაზე მოთხოვნად პროფესიებს და გარკვეული გამოცდილებაც მიიღეს.

ადამიანებთან ურთიერთობის დროს, სულერთია ეს იქნება თანატოლთა ურთიერთობა თუ მოსწავლისა და მასწავლებლის, ერთმანეთის პატივისცემა, თანაგრძნობა, ემოციების მართვა უმნიშვნელოვანესია.

სწორედ ამ თემებზე დამატებითი ცოდნისა და გამოცდილების შეძენის მიზნით „წმიდა გიორგის სახელობის საერთაშორისო სკოლაში“ ფსიქოლოგი მარინა კაჭარავა მოვიწვიეთ. მან მუშაობის საინტერესო თეორიული და პრაქტიკული გამოცდილება გაგვიზიარა.

დიდი მადლობა ქალბატონ მარინას საინტერესო შეხვედრისთვის.

და აი, ხელოვნების გაკვეთილზე გამოჩნდა კანდინსკის ფერადოვანი აკორდები და კიდევ ერთხელ დამტკიცდა, რომ ჩვენს ბავშვებს დაუშრეტელი ფანტაზიის უნარი გააჩნიათ

პროექტ "აბსტრაქციას" ფარგლებში, ჩვენმა მოსწავლეებმა ვასილი კანდინსკის ნამუშევრების მიხედვითა და სხვადასხვა ნივთების გამოყენებით კომპოზიციები ააწყეს

გამოვიდა და თუ არა ექსპერიმენტი, თქვენ შეაფასეთ

ჩვენს მოსწავლეებს დისტანციური სწავლების დროს   სკოლის ფსიქოლოგები შეხვდნენ და ძალიან საინტერესო საკითხებზე ისაუბრეს.

დღის განრიგი, მისი სწორად ფორმირება და განხორცილება - ბავშვებმა ძირითადი თემების გარშემო ბევრი ისაუბრეს, დისკუსიაშიც ჩაერთვნენ და ერთმანეთს საკუთარი გამოცდილებაც კი გაუზიარეს.

დისტანციური სწავლება - ჩვენი სკოლის კიდევ ერთი წარმატებული პროექტი

პროფესიონალი, კრეატიული პედაგოგების მიერ ჩატარებული თითოეული გაკვეთილი საინტერესოდ, სახალისოდ და პროდუქტიულად მიმდინარეობს.

რა თქმა უნდა, ჩვენი ყოჩაღი მოსწავლეებიც აქტიურად არიან ჩართულნი პროცესში.

ჩვენი მონატრებული მოსწავლეები დაგვიბრუნდნენ. 

სკოლაში ძველებურად გაისმა მხიარულებისა და გართობის ხმა.

რა თქმა უნდა, ყველაფერმა სრული რეკომენდაციების დაცვით ჩაირა.

"პირველკლასელთათვის, სკოლის განახლებულ შენობაში, ახალი სასწავლო წლის მაუწყებელი პირველი ზარი უკვე დაირეკა!" 

"ჩვენმა მე-12 კლასელებმა საატესტატო გამოცდები დიდი წარმატებით ჩააბარეს და მათთვის სასურველ უნივერსიტეტშებში განაგრძეს სწავლა".

მრავალფეროვანი, შემეცნებითი და სახალისო აქტივობებით დატვირთული ოთხი კვირა

• ეფექტურად  და სახალისოდ ორგანიზებული სასწავლო პროცესი

• კვალიფიციური, მოტივირებული პედაგოგები

• თანამედროვე მეთოდოლოგიით გამართული, შედეგზე ორიენტირებული პრო  გრამები

• არაფორმალური  გარემო

• ეფექტურად  და სახალისოდ ორგანიზებული სასწავლო პროცესი

• კვალიფიციური, მოტივირებული პედაგოგები

• თანამედროვე მეთოდოლოგიით გამართული, შედეგზე ორიენტირებული პროგრამები

• არაფორმალური  გარემო 

დეტალურად იხილეთ ბმულზე : 

წმიდა გიორგის სახელობის საერთაშორისო სკოლაში ახალი სასწავლო წელი დაიწყო.

ღონისძიების მსვლელობის დროს მედლებით დაჯილდოვდნენ ჩვენი სკოლის წარმატებული კურსდამთვრებულები. ასევე აღსანიშნავია ის ფაქტიც, რომ სკოლამ წელს პირველკლასელთა რეკორდული რაოდენობა მიიღო და შექმნა 6 პარალელური კლასი. პირველი სასწავლო დღის გამხსნელი ღონისძიების ფოტოები შეიძლიათ იხილოთ გალერეაში და ასევე ფეისბუქ გვერდზე.

აი, დადგა ის დღე, როდესაც ჩვენი მეთორმეტე კლასელებისთვის ბოლოჯერ დაირეკა სკოლის ზარი! გვინდა მივულოცოთ მათ ახალ საფეხურზე გადაბიჯება. მათ წინ ხომ ჯერ კიდევ შეუცნობელი სამყარო ელით, უფრო რთული და საინტერესო ცხოვრებისეული ბარიერები აქვთ გადასალახი.   სიხარულით ვიხსენებთ ერთად გატარებულ ჩვეულებრივ დღეებს, საბანაკო შეკრებებს, შეჯიბრებებს, კონკურსებს, ურთიერთობას, რომელმაც 12 წლის განმავლობაში შექმნა დიდი გუნდი, ერთიანი ოჯახი, რომლის ყოველი წევრიც ღირსებულ ადგილს დაიმკვიდრებს საზოგადოებაში! თქვენ გაქვთ ყველა ის უნარი, ცოდნა და განათლება რომ მიაღწიოთ წარმატებას და იყოთ ღირსეული პიროვნებები, გახსოვდეთ, რომ თქვენი წარმატების საიდუმლო თქვენს ხელშია! ჩვენ კი ყოველთვის თქვენს გვერდით ვიქნებით, თვალს მივადევნებთ თქვენს წარმატებებს და ამით დავტკბებით! ძალიან გვიყვარხართ!